Në mbledhjen e kryesisë së shoqatës “Vatra” të mbajtur më 31.05. 2012, është rifreskuar kryesia me anëtarë të rinj, dhe njëherit është zgjedhur edhe kryetari i ri, të cilin pozicion pas vdekjes së themeluesit dhe kryetarit Nijazi Kadriu, e ushtronte Mustafë Shaqiri.

Me këtë rast Kryesia e ,,Vatrës” ka falënderuar përzemërsisht Shaqirin për punën e bërë, dhe përkushtimin e treguar në mbrojtjen e interesave, gjegjësisht në sensibilizimin e problemeve të shumta që e preokupojnë popullatën e Kosovës Lindore, që jetojnë në Gjilan e më gjerë.

Po të njëjtën ditë, kryesia e “Vatrës” me vota të hapura, zgjodhi për kryetar të Shoqatës, Sejdulla Kadriun, aktivist i kahershëm i çështjes kombëtare.

Aktualisht kryesia përbëhet prej 19 anëtarëve, e në kuadër të Shoqatës ,,Vatra” funksionon edhe Forumi Rinor i përbërë nga 21 anëtarë, e shumë aktivist të tjerë, që e ndihmojnë shoqatën në aktivitete të ndryshme./rajonipres/